నా గీతం సప్తస్వర సంయోగం
నా ప్రాణం నందీమృదంగ నాదం
నా దేహం స్వరరాగతాళాల
మేలుకలయికల మధుర గాన గాంధర్వం //నా గానం//
మోవి పలికించు మురళీ నాదం
కనుపాపలలో వెలిగే దీపం
మది వినిపించు మహతీ గానం
తనువులోని అణువణువు పాడే
వేదనాద స్వర సంప్రదాయం
ప్రకృతి లోని ప్రతి రేణువు తెలిపే
సప్తస్వర సంగీత సుధారసమాధుర్యం
నా జీవనాధార గానామృతం
సంగీత సాహిత్య కళారాధనం //నా గానం//
స్వర తంత్రులలో ఒలికే జీవం
శృతి లయలై నినదించగా
ఆలాపనలో సాగే రాగం
స్వరఝరులై ప్రవహించగా
స్వరమూ స్వరమూ స్వరజతులై
స్వరరాగ సంగతులై ప్రభవించగా
దశవిధ గమకాలు దశదిశల వ్యాపించగా
ఓంకారనాదాలు దిగంతాల ధ్వనియించగా
నా పంచప్రాణాల నిక్వాణ గీతం
సప్తస్వరోపాసనకే అంకితం //నా గానం//
No comments:
Post a Comment