అనుకోలేదే

అనుకోలేదే ఈ నిమిషం
ఎదలో మల్లెలు విరియుననీ
కలగనలేదే ఈ విషయం
బ్రతుకున తేనెలు కురుయుననీ - “అనుకోలేదే”

ఎడారిన నదులే పొంగుననీ
ఎండిన మానే చిగురించుననీ
మౌనమే మాటలాడుననీ
మూగవోయిన హ్రుదయవీణ
తిరిగి పాట పాడుననీ - “అనుకోలేదే”

కారుమబ్బులే కరుగుననీ
మంచుపొరలే తొలగుననీ
నుదిటి రాతలే మారుననీ
నడక మరచిన నాట్యమయూరి
తిరిగి ఆటలాడుననీ - “అనుకోలేదే”

శిశిరమే వికసించుననీ
గరళమే బ్రతికించుననీ
కఠినశిలలే కరుణించుననీ
చీకటి కమ్మిన చందమామ
తిరిగి వెన్నెల చిలుకుననీ - “అనుకోలేదే”