శ్రీ రఘు రామా సీతారామా
నీ నామ స్మరణే మధురమయా
నీ పాద సేవే మా సౌభాగ్యమయా//శ్రీ రఘు రామా//
కౌసల్య తనయా కోదండ రామా
కైవల్య పద దాత కౌస్తుభ రామా
నీ కర కమలములే...
దీవెనలొసగే దివ్యశయములయా
నీ శుభ చరణములే...
ముక్తిని చూపే పరమ పాదములయా
నీ నామ కీర్తనలే...
భవ సాగరమును దాటించు సుమ తరణములయా//శ్రీ రఘు రామా//
నిరతము నిన్నే కొలిచెదమయ్యా
మదిలో నిన్నే నిలిపెదమయ్యా
నీ చిరునవ్వే మాకు చాలునయ
నీ కరుణ మాపై కురిపించవయా
నీ దాసుల మొర ఆలకించవయ
నీ పాదాల చెంత చేరనీయవయా
నీ కీర్తి వేనోళ్ల పాడెదమయ్య
మా హృదయములో నిత్యము నిదురించవయా//శ్రీ రఘు రామా//
No comments:
Post a Comment