Wednesday, November 30, 2011

మూగ బంధం

పల్లవి:
-----
అతడు:
మాటలురాని కోయిల ఒకటి
మౌనగీతమే పాడింది
మూగబోయిన హృదయ వీణ
తీయని రాగం పలికింది
గమ్యం లేని జీవితానికి
దేవుడిచ్చిన వరమేలే ఇది //మాటలురాని//

చరణం 1:
---------
అతడు:
ఏనాటి బంధమో ఇది
విడరాని అనుబంధమైనది
అనురాగము పంచుతూ
అభిమానము పెంచుతూ
ఒక దేవతగా నిలిచింది
ఏ భావ చిత్రమో ఇది
నా జతన చేరింది
వెలుగులు చిమ్ముతూ
వలపులు చిందుతూ
ఎదలో మధురిమ నింపింది //మాటలురాని//

చరణం 2:
---------
అతడు:
బీడువారిన ఎడారిలో
పూవులవానే కురిసింది
చితికిపోయిన చీకటి బ్రతుకులో
కొత్తవెలుగులా వచ్చింది
ఊహించని ఆశల పల్లకి
ఎదురుగ నిలబడి పిలిచింది

ఆమె:
ఆగిపోయిన మూగ భాషకు
అక్షరమొదిగిన శిల్పివి నీవు
నేల రాలిన పూలతీగకు
ప్రాణం పోసిన మాలివి నీవు //మాటలురాని//

2 comments:

  1. గమ్యం తెలీని ఇద్దరికీ గమ్యం కనిపించిందన్నమాట. బాగుందండీ!

    ReplyDelete
  2. thank you మందాకిని gaaru.

    ReplyDelete