నిన్నా మొన్నా లేనిది ఏదో
నేడే నాలో మొదలయ్యింది
పగలూ రాత్రీ తేడా తెలియక
నిన్నే కలవరిస్తోంది
అది ఏమిటో ప్రియా... తెలుపవా
నీమదిలో నన్నే ...నిలుపవా //నిన్నా మొన్నా//
నిను ఏ క్షణమైతే చూశానో
నన్ను నేనే మరిచానూ
నీ ఊహలలో తేలిపోతూ
నా ఉనికిని ఎపుడో వదిలేశాను
నన్ను నీలో చూసుకుంటూ
జీవితమంతా గడిపేస్తాను
నీతోనే పయనిస్తూ
వెయ్యేళ్లైనా బ్రతికేస్తాను//నిన్నా మొన్నా//
నీ చుట్టూ ఇంత జరిగినా
అసలేమీ పట్టదా నీకు
నను కట్టేసిన నీమనసునకు
వినిపించదా నా పిలుపు
ఇంత కఠినమా నీ హృదయం
ఉలుకూ పలుకు లేనే లేదు
ఒక్కసారి తొంగి చూడు
నీ ఎదలోనే ఒదిగున్నా నేను //నిన్నా మొన్నా//
No comments:
Post a Comment