పల్లవి:
రంగుల కలలో..
ఊహల వలలో..
విహరించే చెలీ
ఆశల ఒడిలో..
వేదన జడిలో..
నిదురించే సఖీ
కనులు తెరచి ఇటు చూడొకసారి
నీ ఎదుట నిలిచింది నిజం విసిగి వేసారి //రంగుల కలలో//
చరణం 1:
ఆకాశమే అందుకోవాలని
తారలనే చేరుకోవాలని
వెన్నెలనే కోసుకోవాలని
ఆశపడిన ఓ చిలకమ్మా
నేలకు దిగి రావమ్మా
నిజమేదో తెలుసుకోవమ్మా... //రంగుల కలలో//
చరణం 2:
ఇంద్ర ధనసుపై నడవాలని
మేఘాలతో ఆడుకోవాలని
స్వర్గానికి వంతెన వేయాలని
కలలు కన్న ఓ చిట్టెమ్మా
నిదుర వీడి లేవమ్మా
చుట్టూ ఓసారి చూసుకోవమ్మా... //రంగుల కలలో//
No comments:
Post a Comment