పల్లె తల్లడిల్లుతున్నాది
నా పల్లె గొల్లుమంటున్నాది
పల్లెలోని ఇల్లు ఇల్లూ
బతుకుజీవుడాయని ఏడుస్తున్నాది //పల్లె//
పచ్చగ ఉన్న పొలాలన్నీ
ఏడారిలా ఎండిపోయె
వానసినుకు నేలరాలక
భూములన్నీ బీడులాయె
తిండిగింజలే కానరాక
గంజినీళ్లే కరువాయె
రోగమొచ్చి మంచానపడితే
మందు మాకూ లేకపోయె
కళకళలాడిన ఊరంతా
వల్లకాడుగ మారిపోయె //పల్లె//
గుండెనిండా నిండుకున్న
బాధలే మా చుట్టాలాయె
ఎదురుచూపులకు బదులుగా
మాకుమిగిలేది కన్నీళ్లేగా
పల్లె కన్నీరు పెడుతూఉంటే
దేశమేగతి బాగుపడునురా
తల్లిపాలే ఇంకిపోతే
పిల్లలేరీతి ఎదుగునురా
ఇకనైనా కళ్లు తెరచి
పల్లెను బతికించుకుందామురా
మన పల్లెలను బతికించుకుందామురా//పల్లె//
No comments:
Post a Comment