Monday, October 17, 2011

సాగర తీరంలో

సాగర తీరంలో సంధ్యారాగంలో
ఎగసిపడే చిలిపి అలల
మోహన మురళీ గానం
మనసుపడే చెలియ కనుల
మెరిసే వలపు గాలం //సాగర తీరంలో//

మలి సంధ్య మలుపుల్లో
చెలిపెదవి విరుపుల్లో
చిరుగాలి ఊపుల్లో
చలివాడి విసురుల్లో -
కబుర్లాడుకోనీ..
రెండు తేనె మనసులు
పెనవేసుకోనీ..
రెండు కోడె వయసులు
నులివెచ్చని బిగి కౌగిట
సేద దీరుకోనీ..
రెండు ప్రేమ పావురాలు //సాగర తీరంలో//

తుళ్లిపడే సాగర కెరటాలు
చల్లబడెను తీరం చేరి
అదిరిపడే చెలి అధరాలు
కుదుట పడెను మోహం తీరి -
నెమరువేసుకోనీ..
గడచిన తీపి జ్ఞాపకాలు
ఎదను పరచుకోనీ..
గడిపిన మధుర క్షణాలు
చిరుచెమటల తడి సందిట
తిరిగి రాసుకోనీ..
వలపు ప్రేమ పాఠాలు //సాగర తీరంలో//

No comments:

Post a Comment