నీవే నేనంటా

నీవంటే నేనంటా
నీవెంటే నేనుంటా
నీ కంటి పాపను నేనై
కలలెన్నో కంటూ ఉంటా //నీవంటే//

నీ ఊపిరి నేనంటా
నీ ఊహను నేనంటా
నీ మాటలలో నేనుంటా
నీ మౌనంలో నేనే ఉంటా
నీ పెదవులపై వెన్నెల నేనై
తళతళమని వెలుగుతు ఉంటా
నీ చెక్కిలిపై సిగ్గును నేనై
కితకితలే పెడుతూ ఉంటా //నీవంటే//

నీ తలపే నేనంటా
నీ వలపే నేనంటా
నీ జతలో నేనుంటా
నీ వెతలో నీతోనే ఉంటా
నీ పాటలో మాటలు నేనై
సరిగమలే పలుకుతు ఉంటా
నీ బాటలో అడుగులు నేనై
కడదాకా తోడుగ ఉంటా //నీవంటే//