ఈ విశ్వమంతా విష్ణు లీలా విన్యాసమే - //అంతా//
నీలిమేఘ వర్ణాలు
సాయంత్రం చల్లగ వీచే
మలయ మారుత పవనాలు
సాగరాన ఎగసిపడే
తరంగాల భీషణ ఘోషలు
మధు మాసం వినిపించే
కోయిల మధుర గానాలు
అంతా ఆ నీలమేఘశ్యాముని
లీలా మాధుర్యమే -//అంతా//
వసంతాన అలరించు
మావిచిగురు జిలుగులు
నిండు పున్నమి వెదజల్లే
పండు వెన్నెల వెలుగులు
గ్రీష్మాన పలకరించు
తొలకరి చిరు చినుకులు
హేమంతాన వేడిగొలుపు
లేలేత రవికిరణాలు
అంతా ఆ గోకులనందుని
క్రీడా విచిత్రమే -//అంతా//
No comments:
Post a Comment