నిద్దుర పోరా ముద్దుల పాపాయీ - 2
నీకు జోలపాట పాడనా
లాలిపాట పాడనా
కురిసే నా కన్నులతో
కన్నీటిపాట పాడనా //జోజో హాయీ//
నీకు రతనాల లాలి పోయ
యశోదను కానురా
నీకు పాలవెన్నముద్దలీయ
పార్వతిని కానురా
నీకు మురిపాల ముద్దులీయ
ఈ అమ్మ పాడలేదురా
నీకు జోలపాట
నిను జోకొట్టలేదురా
ఈ జాలిపాటా //జోజో హాయీ//
పక్షినైనా కానురా
నిను గూటిలో పవళింపసేయ
చెట్టునైనా కానురా
నిను నీడలో నిదురింపసేయ
మట్టినైనా కానురా
నినుపొత్తిళ్లలో శయనింపసేయ
ఈ అమ్మ ఒడే పానుపుగా
ఆదమరచీ నిదురపో
ఈ కంటి తడే లాలనగా
సేదతీరీ పరుండిపో //జోజో హాయీ//
No comments:
Post a Comment