స్నేహమా నేస్తమా
చెంతకే చేరవా
ప్రాణమా దైవమా
చింతలే తీర్చవా
నీ చెలిమి లేకుంటే
నువు తోడు రాకుంటే
బ్రతుకు చితికి పోవు కదా
చితికి చేరి పోను కథా //స్నేహమా//
బ్రతుకంతా విషాదమై
ముందు వెనుక అగాధమై
నేనే నాకు భారమై
జీవితమే నేరమై
పెనుతుఫానులో చిక్కిన వేళ
మండుటెండలో నడిచే వేళ
అమావాస్య వెన్నెలవై
గాయాలకు లేపనమై
నన్ను చేరదీశావూ
నాతో చేయి కలిపావూ //స్నేహమా//
కలలే రాని కన్నుల్లో
తీపి కథలు నిలిపావూ
ఆశే లేని గుండెల్లో
కొత్త వెలుగు నింపావూ
మన స్నేహం మరపురానిది
నీ సాయం తీర్చలేనిది
నీతో గడిపిన క్షణాలే
నిలిచెను చెరగని జ్ఞాపకాలై
నీకై వేచిన నిముషాలే
పలకరించెను మధురస్మృతులై //స్నేహమా//
No comments:
Post a Comment